TRI TALENTOG

Hen ben y tîm a ddychwelodd i’w Fwlgaria frodorol ym mis Mai 2019 wrth ymuno â CSKA Sofia ar ôl cyfnodau yn yr Wcráin a Rwsia

Ac yntau’n wreiddiol o Blagoevgrad, dechreuodd ei yrfa broffesiynol gyda’r tîm lleol Pirin yn 2003 ar ôl dod drwy’r rhengoedd ieuenctid cyn symud i Litex Lovech ddwy flynedd yn ddiweddarach. Daeth cyfnodau ar fenthyg yn Sbaen gyda Celta Vigo a Racing Ferrol i ddilyn cyn iddo ddychwelyd i Litex ac ymddangos dros 100 o weithiau i’r clwb. Chwaraeodd ei gêm ryngwladol gyntaf ym mis Tachwedd 2006 mewn gêm gyfeillgar yn erbyn Slofacia ac mae ganddo 43 o gapiau i’w wlad. Daeth yn gapten ar y tîm am y tro cyntaf yng ngemau rhagbrofol Cwpan y Byd FIFA 2018.

Chwaraewr canol cae amryddawn a ddaeth drwy’r rhengoedd ieuenctid yn Botev 2002 ac a chwaraeodd ei gêm gyntaf ar y lefel uchaf i Botev Plovdiv bron i ddegawd yn ôl.

Dychwelodd i’r clwb yn 2016 ar fenthyg ar ôl cael trafferth cyrraedd y marc yn yr Almaen gyda Mainz 05. Ers dychwelyd i’r clwb lle gwnaeth ei enw, mae Nedelev wedi codi cwpan Bwlgaria a ‘Super Cup’ Bwlgaria, ac mae wedi sgorio’n gyson i’r tîm. Mae wedi cynrychioli Bwlgaria ar lefelau Dan 17, Dan 19, Dan 21 ac i’r tîm cyntaf, gan sgorio mewn gemau yn erbyn Cyprus a Montenegro yn 2018 ac yn 2019.

Ergydiwr profiadol sydd wedi chwarae i glybiau yn Nhwrci, Sbaen, Gwlad Pwyl a’i wlad enedigol, Bwlgaria.

Enillodd ei unig dlws domestig gyda CSKA Sofia yn 2011 wrth iddynt ennill Cwpan Bwlgaria. Mae wedi chware i’w wlad 25 o weithiau ers i gêm gyntaf yn erbyn y Swistir ym mis Mawrth 2011. Daeth ei awr fawr i’w wlad yng ngemau rhagbrofol Cwpan y Byd FIFA 2018 pan sgoriodd y ddwy gôl mewn buddugoliaeth 2-0 gofiadwy dros yr Iseldiroedd yn Sofia. Rhain yw’r unig goliau y mae erioed wedi’u sgorio i’w wlad ac mae hefyd wedi cynrychioli Bwlgaria ar lefel Dan 21.