TRI TALENTOG

Gôl-geidwad dawnus sy’n chwarae yn rheolaidd i’r ail dîm yn Ludogorets Razgrad.

Mae hefyd wedi chwarae i’r tîm cyntaf yn y gynghrair a Chwpan Bwlgaria y tymor hwn, ac wedi bod yn ddewis cyntaf ar gyfer eu hymgyrch Cynghrair Europa UEFA ar ôl ymddangos am y tro cyntaf ym mis Mai 2021. Daeth Hristov trwy'r rhengoedd ieuenctid yn Ludogorets Razgrad a disgwylir iddo herio'r dewis cyntaf yn y gôl, Sergio Padt, am y safle'r tymor nesaf.

Ffigur profiadol yn nhîm Dan 21 Bwlgaria sydd hefyd wedi sefydlu ei hun yn nhîm cyntaf CSKA 1948 Sofia.

Ganed y cawr o amddiffynnwr canolog yn Ffrainc ac mae'n gymwys i chwarae i’r ddau dîm cenedlaethol. Ond ar ôl dod trwy'r rhengoedd ieuenctid yn Limoges cyn symud i Gazélec Ajaccio, gadawodd Ffrainc i ymuno â Strumska Slava yn ail-adran Bwlgaria yn 2019. Llwyddodd ei botensial i ddenu CSKA 1948 Sofia, ac arwyddodd gytundeb parhaol gyda’r Clwb ym mis Mai 2020 yn dilyn eu dyrchafiad i’r adran gyntaf.

Ergydiwr ifanc a dawnus sydd wedi creu argraff dda i’w glwb a’i wlad.

Er ei fod yn dal yn ei arddegau, mae wedi ymddangos i Levski Sofia ym mhob un o'r pedwar tymor diwethaf yn adran uchaf Bwlgaria, gan ymddangos am y tro cyntaf fel chwaraewr 16 oed yn erbyn Ludogorets Razgrad ym mis Ebrill 2019. Ers hynny mae Petkov wedi ymddangos dros 50 o weithiau i’r tîm cyntaf ym mhob cystadleuaeth, ac yn ddiweddar symudodd i Slavia Sofia. Aelod allweddol o garfan Dan 21 Bwlgaria, mae Petkov hefyd wedi cynrychioli ei wlad ar lefel dan 19.