Tri Talentog

Aelod profiadol o’r tîm a chwaraeodd ei gêm ryngwladol gyntaf yn 2009, mae Sparv bellach yn chwarae ei bêl-droed yng Ngwlad Groeg gyda Larissa ar ôl cynrychioli timau yn Sweden, y Ffindir, yr Iseldiroedd, yr Almaen, Denmarc a Lloegr gyda Southampton ar ôl datblygu trwy dimau ieuenctid y clwb.

Yn ystod ei gyfnod gyda Midtjylland, enillodd Sparv gynghrair Denmarc dair gwaith. Cawr o ddyn sydd hefyd yn gallu chwarae mewn rôl fwy amddiffynnol, mae Sparv wedi ymddangos i’w wlad mwy na 75 o weithiau, gan sgorio ei unig gôl hyd yn hyn yn erbyn Gogledd Iwerddon ym Melfast yn ôl ym mis Awst 2012 mewn gêm gyfeillgar gyfartal 3-3.​​​​​​​

Chwaraewr canol cae sy’n sgorio i’r tîm cenedlaethol. Daeth Jensen drwy’r rhengoedd gydag FC Twente yn yr Iseldiroedd, gan ymddangos i dîm cyntaf y clwb 55 o weithiau rhwng 2016 a 2018.

Ar ôl dod i’r amlwg trwy’r timau cenedlaethol canolraddol, chwaraeodd ei gêm ryngwladol gyntaf mewn gornest gyfeillgar yn erbyn Awstria ym mis Mawrth 2017, gan unioni’r sgôr mewn gêm gyfartal 1-1 ac yntau’n ddim ond 19 oed. Symudodd Jensen i’r Bundesliga gydag Augsburg yn 2018, ac mae wir wedi gwneud ei farc ar y tîm cenedlaethol yn eu hymgyrch bresennol yng Nghynghrair Cenhedloedd UEFA gyda thair gôl.

Ffigwr allweddol i Norwich City ers ymuno â’r clwb o Brondby yn 2018. Mae Pukki wedi mwynhau gyrfa grwydrol ers datblygu drwy’r rhengoedd ieuenctid gydag FC KTP yn y Ffindir yn 2006, gan chwarae i dimau yn Sbaen, yr Almaen, yr Alban a Sweden tra hefyd yn parhau’n rhan hanfodol o dîm cenedlaethol y Ffindir.

Chwaraeodd ei gêm ryngwladol gyntaf ym mis Chwefror 2009 fel eilydd mewn gêm gyfeillgar yn erbyn Japan yn Tokyo. Yn ystod yr ymgyrch ragbrofol lwyddiannus ar gyfer Ewro 2020, sgoriodd Pukki gyfanswm anhygoel o 10 gôl mewn 10 gêm wrth i’r Ffindir ennill eu lle mewn twrnamaint mawr am y tro cyntaf yn eu hanes.