FC CYMRU – RHIFYN AMERICA
FC CYMRU – RHIFYN AMERICA
Er hynny, mae Pedro Pasculli yn un dyn sydd wedi profi’r ddau yn ystod ei yrfa ryngwladol fel chwaraewr a rheolwr, a daeth y cyn bencampwr Cwpan y Byd a oedd yn gyfaill i’r arwr arall o’r Ariannin, y diweddar Diego Maradona, i ogledd-orllewin Cymru ym mis Hydref 2019.
Er i Pasculli dreulio y rhan fwyaf o’i yrfa chwarae gyda Argentinos Juniors yn ei wlad enedigol a thîm Lecce yn yr Eidal, mae ei yrfa fel rheolwr wedi arwain ato’n teithio llawer mwy. Yn ogystal â chymryd yr awenau gyda thîm cenedlaethol Uganda a thîm Dinamo Tirana yn Albania, mae Pasculli wedi treulio bron i 20 mlynedd yn hyfforddi yng nghynghreiriau isaf system byramid yr Eidal. Ond daeth cysylltiad annhebygol ag ef at sylw Dinas Bangor, ac o ganlyniad etifeddodd y gêm ddomestig yng Nghymru ei enillydd Cwpan y Byd cyntaf erioed.
Roedd Franceso Serafino yn un o blith nifer a gafodd eu denu o dramor wrth i gyfnod newydd ddechrau i Ddinas Bangor ychydig o flynyddoedd yn ôl. Er nad oedd y Serafino ifanc yn adnabyddus iawn, dechreuodd ei dad Domenico ddangos diddordeb yn y clwb gan arwain consortiwm a fyddai’n cymryd rheolaeth dros fusnes yn Nantporth yn y pen draw. Ac yntau’n gerddor proffesiynol a oedd wedi treulio y rhan fwyaf o’i fywyd yn yr Ariannin, daeth cysylltiadau Domenico Serafino ag ef i gysylltiad â Pasculli yn y lleoliad mwyaf annhebygol.
Gyda’r pandemig yn amharu ar ei dymor cyntaf, methodd Dinas Bangor ag ennill dyrchafiad o JD Cymru North i JD Cymru Premier. Cafodd Pasculli ei ddisodli yn y dugout gan ei gyd-Archentwr a chyn-gapten y tîm ieuenctid rhyngwladol Hugo Colace, gyda phencampwr Cwpan y Byd yn cymryd rôl Ysgrifennydd Technegol. Fodd bynnag, tra bo Dinas Bangor yn un nodwedd arall ar ei CV, y fraint o godi’r wobr fwyaf gwerthfawr yn y byd a fydd yn parhau i ddiffinio gyrfa Pasculli.
“Roedd y teimlad o afael yng Nghwpan y Byd fel cyffwrdd yr awyr â’ch llaw,” eglurodd Pasculli i’r Guardian ar ôl cyrraedd Dinas Bangor. Er iddo fod ar y fainc yn rownd derfynol Cwpan y Byd 1986, fe sgoriodd y gôl dyngedfennol yn erbyn Uruguay yn y fuddugoliaeth yn rownd yr 16 i dîm Carlos Bilardo. “Roedden ni’n grŵp mor agos, ac rydyn ni dal i gadw mewn cysylltiad gyda’n gilydd heddiw,” ychwanegodd. “Mae gennym ni grŵp WhatsApp o’r enw ‘Campeones 86’ rydyn ni’n ei ddefnyddio trwy’r amser.”
Update your browser to view this website correctly. Update my browser now