Tri talentog

Amddiffynnwr cadarn a ymunodd â Celta Vigo o glwb Santos Laguna yn y Liga MX yn 2018, gan lofnodi cytundeb pum mlynedd gyda’r tîm o Sbaen.

Mae’r chwaraewr yn ffrwyth llafur system ieuenctid Cruz Azul, a bu’n cynrychioli Mecsico ar lefelau dan 20 a 23. Hawliodd ei gap cyntaf i’r tîm cyntaf ym mis Gorffennaf 2011. Er iddo sgorio ar ei ymddangosiad rhyngwladol cyntaf mewn buddugoliaeth 2-1 yn erbyn Chile, ni chwaraeodd i’r tîm cenedlaethol eto tan 2016. Ond mae ei berfformiadau ers hynny bellach wedi ennill enw iddo fel ffigwr pwysig yn y garfan.

Mae’r gallu i chwarae’n hyblyg mewn mwy nag un safle yn bwysig wrth chwarae i’r cewri o’r Iseldiroedd, ac mae Edson Álvarez bellach wedi chwarae dros 40 o weithiau ers symud i’r clwb o Club América yn y Liga MX yn 2019.

Chwaraeodd Álvarez i dîm cyntaf Mecsico am y tro cyntaf ym mis Chwefror 2017 pan ddaeth ymlaen mewn gêm gyfeillgar yn erbyn Gwlad yr Iâ, ac mae bellach yn aelod allweddol o garfan Gerardo Martino. Chwaraeodd Álvarez mewn pum gêm yn ymgyrch lwyddiannus Cwpan Aur CONCACAF 2019, gan gynnwys y rownd derfynol yn erbyn yr Unol Daleithiau.

Ar ôl ennill ei blwyf fel chwaraewr yn Liga MX gyda Pachuca ar ôl codi trwy'r rhengoedd ieuenctid i'r garfan hŷn, symudodd Hirving Lozano i dîm PSV Eindhoven yn yr Iseldiroedd yn 2017, er i sawl clwb blaenllaw arall yn Ewrop fynegi diddordeb.

Mewn tri thymor, sgoriodd Lozano 40 gôl mewn 79 o gemau cystadleuol gyda PSV, a’u helpu i gipio cynghrair Eredivisie yn 2018. Gwnaeth Napoli fuddsoddiad sylweddol i’w arwyddo ym mis Awst 2019 a hawliodd y Coppa Italia yn ei dymor cyntaf gyda’r clwb. Chwaraeodd Lozano dros ei wlad am y tro cyntaf ym mis Chwefror 2016, cyn sgorio ei gôl ryngwladol gyntaf fis yn ddiweddarach yn erbyn Canada. Mae bellach wedi chwarae dros 40 gêm i dîm Mecsico.