TRI TALENTOG

Mae Jankewitz yn chwaraewr canol cae dawnus i’r Swistir, ac fe gododd drwy rengoedd ieuenctid Southampton ar ôl symud i’r clwb yn 2018 o Servette.

Bachodd y penawdau yn syth bin wrth ddechrau i’r clwb am y tro cyntaf yn Uwch Gynghrair Lloegr, neu’r Premier League, ym mis Chwefror eleni pan gafodd ei anfon oddi ar y cae yn erbyn Manchester United ar ôl cwta dau funud. Dychwelodd Jankewitz i’r Swistir yn ystod yr haf, gan ymuno â Young Boys am ffi anhysbys. Mae wedi chwarae dros ei wlad ym mhob oedran o lefel dan 15 i lefel dan 21, gan sgorio yng ngêm agoriadol yr ymgyrch ragbrofol dan 21 bresennol wrth i’r tîm drechu Gibraltar 4-0.

Trodd Mambimbi yn 20 ym mis Ionawr eleni, ond mae eisoes wedi chwarae dros 75 gêm gystadleuol gyda thîm cyntaf Young Boys ar ôl chwarae am y tro cyntaf i'r clwb ym mis Chwefror 2019.

Cafodd ei eni yn Fribourg, a chwaraeodd bêl-droed ieuenctid gyda Schoenberg cyn symud at Young Boys yn 2019. Mae’r ergydiwr eisoes wedi hawlio dau deitl cynghrair a Chwpan y Swistir, ac mae eisoes wedi sgorio dros dîm dan 21 y Swistir gyda dwy gôl yn yr ymgyrch hon.

Cododd yr ergydiwr tal ac amryddawn drwy rengoedd ieuenctid Basel yn ei famwlad, y Swistir, cyn symud at glwb Red Bull Salzburg, Awstria yn 2020.

Ar ôl cipio Cwpan y Swistir gyda Basel yn 2019, mae Okafor eisoes wedi hawlio dwbl Awstria ddwywaith, ac fe chwaraeodd am y tro cyntaf dros dîm cyntaf cenedlaethol y Swistir yn ystod ymgyrch Cynghrair Cenhedloedd UEFA pan ddaeth oddi ar y fainc yn erbyn Lloegr ym mis Mehefin 2019.