BELARWS

Tri talentog

Artyom Bykov

Position Canol Cae

Age 29

Height 182cm

Club Dinamo Minsk (Belarws)

Mae Bykov yn ganolwr amddiffynnol amryddawn, ac mae wedi treulio'r rhan fwyaf o'i yrfa gyda Dinamo Minsk. Dechreuodd arni yn chwarae i Zvezda-BGU Minsk, a dychwelodd i Dinamo Minsk yn gynharach eleni ar ôl cyfnod llwyddiannus gyda Dinamo Brest. Yn ystod cyfnod Bykov gyda’r tîm, Dinamo Brest oedd pencampwyr Uwch Gynghrair Belarws a'r Super Cup yn 2019.

Cawr o chwaraewr, a chwaraeodd am y tro cyntaf dros y tîm cenedlaethol yn 2014 mewn buddugoliaeth 5-1 dros Liechtenstein, a hynny ar ôl iddo ymddangos 17 o weithiau dros y tîm Dan 21. Serch hynny, ni chwaraeodd dros y tîm cyntaf eto tan 2017 pan ddychwelodd i'r garfan i weld Swistir yn eu curo 1-0.

Vladislav Klimovich

Position Blaenwr

Age 25

Height 187cm

Club Dinamo Minsk (Belarws)

Ar ôl codi trwy rengoedd canolradd BATE Borisov, roedd Kilmovich yn rhan o’r tîm a enillodd Gynghrair Belarws yn 2014 a'r Super Cup yn 2015, er nad oedd ond wedi chwarae llond llaw o weithiau yn ei arddegau.

Aeth ar gyfnod benthyg at Jelgav, gan hawlio Cwpan Latfia yn 2016, cyn symud yn barhaol i Torpedo-BelAZ Zhodino yn 2018. Llwyddodd ei berfformiadau i ddenu sylw Dinamo Minsk a symudodd yn 2020. Mae’n chwaraewr rhyngwladol gyda Belarws ers 2017, a chwaraeodd ei gêm gyntaf wrth i’r tîm golli i Wlad Thai yn Bangkok yn nhwrnamaint y Kings Cup.

Vitaly Lisakovich

Position Blaenwr

Age 23

Height 179cm

Club Lokomotiv Moscow (Rwsia)

Un o sêr disgleiriaf Belarws, chwaraeodd i’r tîm cyntaf am y tro cyntaf mewn gêm gyfartal 0-0 yn erbyn Estonia ym mis Hydref 2019. Sgoriodd ei gôl gyntaf gyda’r ergyd fuddugol yn erbyn Kazakhstan yng Nghynghrair Cenhedloedd UEFA ym mis Medi 2020.

Datblygodd drwy'r rhengoedd ieuenctid a threulio pum tymor gyda Shakhtyor Soligorsk yn ei famwlad. Yn ystod y cyfnod hwnnw, treuliodd dri chyfnod llwyddiannus ar fenthyg yng Nghroatia hefyd. Symudodd Lisakovich yn ei flaen at dîm Lokomotiv Moscow yn 2020 ac mae wedi ennill ei blwyf yn y tîm, yn ogystal â pharhau i greu argraff dda yn nhîm Belarws.